Шешенстанның Үкімет төрағасы Магомед Даудовтың мәліметінше, Шешенстан басшысы Рамзан Қадыровтың ұлы әрі республика Қауіпсіздік кеңесінің хатшысы Адам Қадыров Ресей гвардиясының құрмет грамотасымен марапатталды, деп хабарлайды Ulysmedia.kz.
ТОЛЫҒЫРАҚ
Даудовтың айтуынша, марапат Ресей гвардия бөлімшелеріне қызметтік міндеттерін орындауда көрсеткен қолдауы үшін табысталған. Сондай-ақ Рамзан Қадыровтың өзіне «Жауынгерлік айрықша еңбегі үшін» ведомстволық медаль берілгені мәлім болды.
КОНТЕКСТ
Адам Қадыров 18 жаста. Осы жасында ол Шешенстанның Қауіпсіздік кеңесінің хатшысы қызметін атқарады және республикадағы ІІМ басқаруын қадағалайды. Бұған дейін, 15 жасында, ол әкесінің қауіпсіздік қызметін басқарған және Ресей рекордтар кітабына осындай деңгейдегі ең жас басшы ретінде енген. Сонымен қатар, соңғы жылдары ол бірнеше өңірлік марапат пен атақтарға ие болған, олардың арасында Қадыров ордені, Шешенстанның Батыры атағы және Грозный қаласының құрметті азаматы мәртебесі бар. Рамзан Қадыровтың айтуынша, оның ұлының барлық марапаттары нақты еңбегі үшін берілген.
