Украиналық Frontline Robotics және германиялық Quantum Systems компаниялары Украина Қорғаныс министрлігінің тапсырысы бойынша әскери дрондар шығарады. Жылына ондаған мың дрон өндіріліп, келісімшарт көлемі жүздеген миллион еуроға бағалануда, деп хабарлайды Ulysmedia.kz.
ҚОЛДАНЫЛАТЫН МОДЕЛЬДЕР
Жоспарға соғыс жағдайында сыналған «Линза» логистикалық дроны, барлау дроны Zoom және қашықтан басқарылатын «Буря» қару модулі (пулемет пен гранатометпен жабдықталған) кіреді.
ЖАҢА ЗАУЫТ
Quantum Systems мәліметінше, Quantum Frontline Industries атты бірлескен кәсіпорын Еуропада алғаш рет толық автоматтандырылған әскери дрон өндіріс желісін іске қосады.
ЫНТЫМАҚТАСТЫҚ БАСТАМАСЫ
Бұл жоба Украина үкіметінің «Украинамен бірге құрайық» бастамасы аясында жүзеге асуда. Мақсат — батыс қорғаныс компанияларын тарту және өндірістің бір бөлігін қауіпсіз еуропалық елдерге көшіру.
ӨНДІРІС ҚУАТЫ
2025 жылдың тамызында Quantum Systems Украинадағы жасырын цехтарда барлау дрондарының айлық өндірісін 40-тан 80 данаға дейін арттырғаны хабарланған.
