Украинаға алдағы екі жылға қаржылай қолдау көрсету көздерін іздеуге арналған Еуроодақтың ең ұзақ әрі ең күрделі саммиттерінің бірі Брюссельде жұмаға қараған түні, 19 желтоқсан шамамен түнгі үште аяқталды, деп хабарлайды Ulysmedia.kz.
ТОЛЫҒЫРАҚ
Келіссөздер барысында Еурокомиссияның екі ұсынысы қаралды: мұздатылған ресейлік активтер есебінен берілетін так называемый «репарациялық несие» және ЕО-ның ортақ қарыз алуы арқылы қаржыландыру нұсқасы, деп жазады DW.
Саммит қатысушылары соңғы сәтке дейін «репарациялық несие» тетігін пысықтағанымен, бұл идеядан уақытша бас тарту туралы шешім қабылданды. Нәтижесінде ЕО елдерінің көшбасшылары Украинаға Одақ бюджетінің мүмкіндіктерін пайдалана отырып, 90 млрд еуро көлемінде несие беру жөнінде келісімге келді. Ал Ресейдің мұздатылған активтерін пайдалану мәселесін талқылау жалғаса береді.
- Келісімге қол жеткізілді. Украинаға 2026–2027 жылдарға арналған 90 млрд еуро көлеміндегі қолдау көрсету туралы шешім мақұлданды. Біз міндеттемелерді өз мойнымызға алып, оны орындадық, — деп жазды Еуропалық кеңес төрағасы Антониу Кошта.
КОНТЕКСТ
Бұған дейін Еуропалық орталық банк (ЕОБ) Украинаға 140 млрд еуро көлемінде репарациялық несие беру схемасына қатысудан бас тартқаны хабарланған еді. Бұл несие соғыс басталғаннан кейін Батыс елдерінде мұздатылған ресейлік активтермен қамтамасыз етілуі тиіс болған.
Кейін Ресейдің Орталық банкі бельгиялық Euroclear депозитарийіне қарсы 18 трлн рубль көлемінде талап-арыз түсірді. Іс Ресей активтерінің шетелде бұғатталуына байланысты. Сарапшылар Ресей бұл іске «достас юрисдикцияларды», оның ішінде Қазақстанды да тартуға тырысуы мүмкін екенін жоққа шығармайды.
