Қазақстандықтарға қолжетімді ипотекалар

«НАУРЫЗ» БАҒДАРЛАМАСЫ

Отбасы банкінің дерегінше, бағдарлама кемінде 2031 жылға дейін жалғасады. Жаңа өтінімдер көктемде қабылданады.

• Сыйақы мөлшерлемесі – 9% (әлеуметтік осал топтағы кезектегілерге – 7%)
• Бастапқы жарна – 10% (таза әрлеудегі пәтерлерге), 20% (қарапайым әрлеуде)
• Қарыздың ең жоғарғы сомасы – Астана мен Алматыда 36 млн теңге, басқа өңірлерде 30 млн теңге
• Мерзімі – 19 жылға дейін

«НАУРЫЗ ЖҰМЫСКЕР» ИПОТЕКАСЫ

Алдағы 6 жыл бойы қолданыста болады. Шарттары «Наурыз» ипотекасымен бірдей, айырмашылығы – өнеркәсіп, көлік, ауыл шаруашылығы, энергетика және су ресурстары саласында еңбек ететіндерге арналған. Жаңа өтінімдер көктемде, 2026 жылы қабылданады.

«7-20-25» БАҒДАРЛАМАСЫ

5 қаңтарда 25 млрд теңге көлемінде жаңа транш бөлінеді.

• Сыйақы мөлшерлемесі – 7%
• Бастапқы жарна – 20%-дан бастап
• Мерзімі – 25 жылға дейін
• Қарыздың ең жоғарғы сомасы: Астана, Алматы, маңайы және Ақтау, Атырау, Шымкентте – 30 млн теңге; Қарағандыда – 25 млн теңге; басқа өңірлерде – 20 млн теңге

ӘЙЕЛДЕРГЕ АРНАЛҒАН «ҰМАЙ» ИПОТЕКАСЫ

2026 жылы қаржы бөлінуі күтілуде. Нақты лимит пен іске қосу мерзімі әзірге белгісіз.

• Сыйақы мөлшерлемесі – 14.4%, кейін 3.5–5%-ға дейін төмендетіледі
• Бастапқы жарна – 15–20%
• Қарыздың ең жоғарғы сомасы – 50 млн теңге
• Мерзімі – 25 жылға дейін

«ЖАСЫЛ ИПОТЕКА»

Энергоүнемді және экологиялық таза тұрғын үй сатып алуға арналған. Мұндай үйлерде LEED, BREEAM, ГОСТ Р немесе OMIR сертификаты болуы тиіс.

• Қарыздың ең жоғарғы сомасы – 50 млн теңге
• Бастапқы жарна – 20% (тұрғын үй төлемін алушыларға – 15%)
• Сыйақы мөлшерлемесі – 12.5% (жылдық тиімді сыйақы мөлшерлемесі – 13.3–18.1%)
• Қарыздың 50%-ын жинаған соң мөлшерлеме 3.5–5%-ға дейін төмендейді (жылдық тиімді сыйақы мөлшерлемесі – 3.6–6.9%)