АҚШ Венесуэлаға қарсы ауқымды арнайы операция жүргізіп, ел президенті Николас Мадуроны жұбайымен бірге ұстады, деп хабарлайды Ulysmedia.kz.
МӘН-ЖАЙ
Бұл туралы АҚШ президенті Дональд Трамп Truth Social әлеуметтік желісіндегі парақшасында жазды.
Трамптың айтуынша, операция АҚШ-тың құқық қорғау органдарының қатысуымен жүзеге асқан. Ұсталғаннан кейін Мадуро мен оның жұбайы Венесуэладан эвакуацияланған.
— Бұл операция АҚШ-тың құқық қорғау органдарымен бірлесіп жүргізілді, - деп жазды Трамп.
Сондай-ақ АҚШ президенті Венесуэладағы ахуалға байланысты арнайы баспасөз конференциясы өтетінін мәлімдеді.
Конференция 3 желтоқсан күні Астана уақытымен сағат 21:00-де Трамптың Мар-а-Лаго резиденциясында өтпек.
БҰҒАН ДЕЙІН
Еске салайық, бұған дейін Венесуэла астанасында бірнеше жарылыс болғанын жазғанбыз.
Америкалық шенеуніктер Fox News басылымына АҚШ әскерилері Венесуэлаға соққылар жасағанын растады.
