Желтоқсанда тұрғын үй нарығы рекорд жаңартты

ӨҢІРЛЕРДЕГІ ДИНАМИКА

Барлық өңірде өсім байқалды. Ең белсенді өсім:

• Маңғыстау облысы – +69,2%
• Павлодар облысы – +66,3%
• Ақтөбе облысы – +53,6%

Ең көп мәміле дәстүрлі түрде Астана (11 674) мен Алматыда (9013) тіркелді. Бұл екі қалаға барлық сатылымның шамамен 40 пайызы тиесілі. Көшбасшылар қатарында Қарағанды облысы да бар – шамамен 3,8 мың мәміле. Ең аз көрсеткіш Ұлытау облысында – 427 мәміле.

КӨПҚАБАТТЫ ҮЙДЕГІ ПӘТЕРЛЕР

Барлық мәміленің негізгі бөлігі көпқабатты үйлердегі пәтерлерге тиесілі – 41 177 мәміле немесе жалпы көлемнің 77,5 пайызы. Бір айда олардың саны 32 пайызға артты.

• Астана – барлық пәтерлік мәміленің 28%
• Алматы – 20%
• Қарағанды облысы – 7,8%

Ең көп сұранысқа ие болған – бір бөлмелі пәтерлер. Желтоқсанда олардың саны 15 323 мәміле болды.

ЖЕКЕ ҮЙЛЕРГЕ СҰРАНЫС

2025 жылдың желтоқсанында жеке үйлерге сұраныс одан да жоғары қарқынмен өсті – мәмілелер саны 36,6 пайызға артып, барлығы 11 951 болды.
Ең жоғары өсім:

• Маңғыстау облысы – +83,9%
• Ақтөбе облысы – +76,6%
• Батыс Қазақстан облысы – +52,8%

ЖЫЛДЫҚ КӨРСЕТКІШ

2024 жылдың желтоқсанымен салыстырғанда мәмілелер саны 6,2 пайызға артты.

• Ең үлкен өсім – Жетісу облысында (+35,8%)
• Ең үлкен төмендеу – Ұлытау облысында (–33,8%)

2025 жылдың қорытындысы бойынша Қазақстанда барлығы 448 571 тұрғын үй мәмілесі жасалды. Бұл 2024 жылмен салыстырғанда 3,6 пайызға көп.

• Ең жоғары өсім: Астана (+21,6%), Жамбыл облысы (+10,1%), Жетісу облысы (+10,1%)
• Ең үлкен төмендеу: Атырау облысы (–13,2%), Ұлытау облысы (–12,5%), Батыс Қазақстан облысы (–12,3%)