Қазақстандықтар Бірыңғай жинақтаушы зейнетақы қорынан (БЖЗҚ) алынған шамамен 4,5 триллион теңгені баспаналарын жақсартуға бағыттады, деп хабарлайды Ulysmedia.kz.
ТОЛЫҒЫРАҚ
1 қаңтардағы жағдай бойынша мақұлданған өтініштердің саны 3,2 миллионға жуықтады.
Алматы қаласында салымшылар 1,2 триллион теңгені, Астанада 808,5 миллиард теңгені шешіп алған. Алматы облысы (4,3 миллиард теңге) мен Ұлытау облысы (11 миллиард теңге) зейнетақы жинақтарын пайдалануда ең төмен көрсеткіш көрсетті.
ЕМДЕЛУГЕ ЖҰМСАЛҒАН ЖИНАҚТАР
Бұдан бөлек, 1 миллионнан астам қазақстандық денсаулығын емдеуге 980 миллиард теңгеден астам қаржы жұмсаған. Ал тағы 112 миллиард теңге жеке басқарушы компаниялардың есепшоттарына аударылған.
ШЕКТЕУЛЕР МЕН ТЕРГЕУ
12 қаңтарда «Отбасы банк» біржолғы зейнетақы төлемдері арқылы емделуге өтініш қабылдауды уақытша тоқтатты. Себебі соңғы уақытта бұл бағытта заңсыз әрекеттер жиілеген.
6 қаңтарда Қазақстанда тіс емдеуге деп көрсетілген қаражат арқылы жүздеген миллиард теңгені заңсыз шығару күдігімен 11 адам қамауға алынғаны хабарланды.
