Ресейде түрікменстандық шенеунік есірткімен ұсталған, деп хабарлайды Ulysmedia.kz.
ТОЛЫҒЫРАҚ
Turkmen.news мәліметінше, есірткімен ұсталған Түрікменстан темір жолдарының басшысын 3 млн долларға босатуға тырысып жатыр
Есірткі контрабандасы ісі бойынша сот күтіп отырған «Демирёллары» («Түрікменстан темір жолдары») ААҚ-ның бұрынғы басшысы Хыдыр Рахмановты қамаудан жасырын түрде босатып, Түрікменстанға қайтаруға әрекет жасалуда. Бұл іске Түрікменстанның Сыртқы істер министрлігі мен ведомство басшысы Рашид Мередовтің өзі араласып отырғаны хабарланды.
Мәскеудегі Домодедово әуежайында Түрікменстан темір жолдарының экс-басшысы Хыдыр Рахманов пен оның серігі ұсталғаны туралы 2025 жылдың қараша айында белгілі болған.
Тінту барысында жұптың жеке заттарынан тыйым салынған дәрілік заттар табылған. Басылым мәліметінше, Хыдыр Рахманов — Түрікменстан президентінің күзет қызметінде офицер болып жұмыс істейтін Аркач Рахмановтың туған ағасы.
