ULYSMEDIA.KZ Жаңалықтар

Енді оқулықтағы қателіктер үшін баспалар жауап береді

Ілияс Бақыт

Бүгін, 22:10

Енді оқулықтағы қателіктер үшін баспалар жауап береді

Ulysmedia коллажы

Қазақстан Республикасы Оқу-ағарту министрлігі мектеп оқулықтарындағы қателерге байланысты баспаларға жаңа талап енгізгенін мәлімдеді. Егер баспа бекітілген нұсқадан ауытқып, қателіктер жіберсе немесе полиграфиялық ақаулар анықталса, онда ол барлық тиражды өз қаражаты есебінен қайта басып шығаруға міндетті, деп хабарлайды Ulysmedia.kz.

Тағы да оқыңыздар

Жаңбыр жауып, бұрқасын болады: бүгінге ауа райы болжамы

Шымкенттіктер газ үшін төлеген 80 миллион теңгесін қайтарып алады

ҚАТЕЛЕРДІҢ САНЫ ЖӘНЕ ЖАУАПКЕРШІЛІК

Министрліктің талдауына сәйкес, оқулықтарға қатысты шағымдардың 19,6 пайызы расталды. Оның ішінде 10,6 пайызы баспалардың жіберген қателіктері. Осыған байланысты министрлік жаңа норманы бекітті: баспалар қателік анықталған жағдайда тиражды толықтай өз қаражаты есебінен ауыстыруы тиіс.

АЙТУЛЫ МЫСАЛДАР

2021 жыл – «Ағылшын тілі» оқулығының 2-сыныпқа арналған нұсқасында қателер табылды. Соның нәтижесінде Edustream баспасы шамамен 400 мың дананы өз қаражаты есебінен қайта басып, мектептерге жеткізді.
2024 жыл – «Әдебиеттік оқу» оқулығына арналған хрестоматияда қателер анықталды. Бұл қателер пәндік сараптамалық комиссия бекіткен нұсқадан ауытқудан туындаған. Қазан айында арнайы отырыс өткізіліп, 2023 жылы шыққан хрестоматияны қайта басып шығару туралы шешім қабылданды. Алматыкітап баспасы 5,5 мың дананы өз қаражаты есебінен қайта басып, аймақтарға жіберді.

ЖАҢА ТАЛАПТАР

2026 жылдың 19 қаңтарында Оқу-ағарту министрлігі оқулықтар мен оқу-әдістемелік кешендердің авторларына жаңа талап енгізді. Бұл ереже қателер санын азайтып, оқу материалдарының сапасын арттыруға бағытталған. Енді оқулықтар әр бес жыл сайын жаңартылып отыруы тиіс.

Қазақстан қазақстандықтар білім саласы оқулық Ғылым және жоғары білім министрлігі білім беру білім деңгейі