Жұма күні Шығыс Иерусалимдегі Неве-Яаков ауданында синагога жанында террористік акт ұйымдастырылып, 7 адам қаза тапты. Аталған мәліметтерді Израиль полициясының баспасөз қызметі жариялады, деп хабарлайды Ulysmedia.kz.
«Иерусалимдегі террористік акт: бүгін кешкісін жергілікті уақыт бойынша сағат 20-30-дар шамасында террорист Иерусалимде Неве-Яаков бульварындағы синагогаға келіп, жақын арадағы адамдарға оқ жаудырған. Полиция бірден оқиға орнына жетіп, террористің орналасқан жерін анықтап, оған қарай оқ атты. Террорист қолға түсті», – делінген полицияның Twitter парақшасындағы хабарламада.
«Еш кінәсі жоқ 7 адам мерт болды, көптеген адам жарақат алды», – делінген хабарламада.
Осыған дейін Израильдің өзге де басылымдары 8 адамның қаза тапқаны туралы хабарлады.
Полиция болған оқиғаны теракт деп бағалады.
