Жануарлар дүниесін қорғауға бағытталған профилактикалық іс-шаралар кезінде полицейлер заңсыз аң аулау дерегін анықтады, деп хабарлайды Ulysmedia.kz.
МӘН-ЖАЙ
Alau.kz хабарлауынша, Қостанай облысының Жангелдин ауданында жойылып кету қаупі бар сирек жануар — киікті заңсыз ату фактісі тіркелген. Полиция қызметкерлері тіркемесі бар автокөлікті және жануардың ұшасын тәркіледі.
Аталған дерек бойынша ҚР Қылмыстық кодексінің 339-бабы бойынша қылмыстық іс қозғалды.
Бұл бапқа сәйкес киікті заңсыз аулау, жою, сондай-ақ заңсыз алынған жануарды сатып алу, сақтау немесе тасымалдау үшін 3 жылдан 5 жылға дейін бас бостандығын шектеу не сол мерзімге бас бостандығынан айыру жазасы қарастырылған.
