Абай облысында жол апатынан төрт адам қаза тауып, үш адам түрлі дене жарақатын алды, деп хабарлайды Ulysmedia.
Мән-жай
Абай облыстық полиция департаменті баспасөз қызметінің хабарлауынша, оқиға 19 ақпанда күндіз Омбы-Майқапшағай тасжолында болған.
«Алдын ала анықталғандай, тасжолдың 867-шақырымында Жарма ауданы Салқынтөбе ауылы аумағында Lada Priora және Chevrolet Cobalt көліктері соқтығысты. Жол апаты салдарынан төрт адам қаза болды, тағы үш адам жарақаттанды», - деп жазылған полиция хабарламасында.
Оқиғаға байланысты сотқа дейінгі тергеу амалдары жүріп жатыр.
Ішкі істер министрлігінің дерегінше, Қазақстанда жыл сайын орта есеппен 2500 адам жол апатынан қаза табады.
