Қазақстанның Сыртқы істер министрлігі Таяу Шығыс елдерінен қазақстандықтарды елге қайтару жұмыстары туралы мәлімет берді, деп хабарлайды Ulysmedia.kz.
МӘН-ЖАЙ
7 наурыздан 8 наурызға қараған түні Таяу Шығыс елдерінен Қазақстанға Air Astana, SCAT, FlyDubai және Air Arabia әуе компанияларының 11 рейсі орындалды. Осы рейстер арқылы 1 786 жолаушы елге жеткізілді.
8 наурызға қазақстандық және шетелдік әуе компанияларының азаматтарды Қазақстан Республикасына қайтару үшін тағы бірнеше рейсі жоспарланған.
– 3 наурыздан бері Таяу Шығыс елдерінен Қазақстанға 37 рейс орындалып, олардың көмегімен 6 254 адам елге оралды, – деп нақтылады Сыртқы істер министрлігі.
Еске салайық, бұған дейін Ираннан Қазақстанның 66 азаматы елге қайтарылғанын жазған едік.
