Биыл мұнай баррелінің бағасы 16,2 пайызға арзандап, 81,13 долларға дейін төмендейді. Бұл туралы Халықаралық валюта қорының жаңа баяндамасында айтылған, деп хабарлайды Ulysmedia.kz ТАСС-қа сілтеме жасап.
«2023 жылы мұнай бағасы шамамен 16%-ға төмендейді, ал жанармайға жатпайтын шикізат тауарлардың бағасы орта есеппен 6,3%-ға төмендейді деп күтілуде», - делінген баяндамада.
Мамандардың болжамынша, 2022 жылғы 29 қарашадағы фьючерстік нарықтарда есептелген орташа болжамды баға 2023 жылы 81,13 доллар және 2024 жылы 75,36 доллар болады.
Осылайша, келесі жылы мұнай бағасы 7,1 пайызға төмендейді.
ХВҚ-ның пайымдауынша, «энергия нарықтары Украинадағы жанжалдан туындаған (экономикалық) жағдайларға тез бейімделді». Дегенмен, өткен жылы «жаһандық энергия мен азық-түлік бағасының күрт өсуі өмір сүру құнының дағдарысын тудырды».
Сарапшылар Украинадағы қақтығысқа байланысты мұнай, газ және азық-түлік бағасының күткен көрсеткіштен жоғары болуы жалпы инфляцияны қайта көтеруі мүмкін екенін айтып отыр.
