Елімізде республикалық маңызы бар автожолдардың 200-ге жуық учаскесін жақын уақытта су басу қаупі бар. Бұл туралы «ҚазАвтоЖол» ұлттық компаниясы мәлімдеді, деп хабарлайды Ulysmedia.kz.
ТОЛЫҒЫРАҚ
Компанияның басқарма төрағасы Дархан Иманашевтің айтуынша, қауіп негізінен ескі жолдарға қатысты.
- Қазір 200-ден астам учаскені су басу қаупі бар. Бүгінде республикалық жолдарда екі жағдай тіркелді, бірақ олар шағын, жергілікті деңгейде. Бұл негізінен 1960–70 жылдары салынған жолдарға қатысты. Ал жаңа жолдарға қатысты әзірге қауіп жоқ, – деді ол.
Осылайша, негізгі қауіп ескірген жолдарға байланысты болып отыр.
