«Қазгидромет» синоптиктері Қазақстан аумағында 18 мамырға арналған ауа райының жалпы болжамын ұсынды. Дүйсенбі күні еліміздің бірнеше өңірінде қолайсыз ауа райы сақталып, жаңбыр, бұршақ, тіпті қар жауады деп күтілуде, деп хабарлайды Ulysmedia.kz.
Синоптиктердің мәліметінше, аптаның басында еліміздің батыс, солтүстік-батыс, шығыс, оңтүстік және оңтүстік-шығыс өңірлерінде найзағай ойнап, жаңбыр жауады. Маңғыстау облысында күн райы күрт бұзылып, нөсер жаңбыр жауып, бұршақ түсуі ықтимал. Ал Шығыс Қазақстан облысында ауа температурасының төмендеуіне байланысты жаңбыр соңы қарға ұласуы мүмкін. Ал Қазақстанның өзге өңірлерінде жауын-шашынсыз, ашық ауа райы сақталады деп болжанып отыр.
Еліміздің солтүстік, шығыс және оңтүстік-батыс бөліктерін тұман басады. Оңтүстік пен оңтүстік-батыста дауыл тұруы мүмкін. Сондай-ақ республика бойынша жел күшейіп, оңтүстік, батыс, солтүстік-батыс және орталық өңірлерде шаңды дауылға ұласады.
Дүйсенбіге қараған түнде еліміздің шығысында салқын ауа массаларының әсерінен термометр бағаны нөлден төмен түседі. Шығыс Қазақстан облысының шығысында түнде 2 градус үсік жүреді.Абай облысының батысында 1 градусқа дейін үсік жүруі мүмкін.
Ауа райының құбылмалылығына қарамастан, Қазақстанның басым бөлігінде құрғақшылыққа байланысты өрт қаупі сақталады. Төтенше өрт қаупі бірқатар өңірде сақталып отыр. Атап айтқанда, Қызылорда облысы аумағында, сондай-ақ Ақтөбе облысы мен Қарағанды облысы облыстарының оңтүстік бөліктерінде жоғары деңгейдегі қауіп жарияланған. Сонымен қатар, Павлодар облысының шығысында, Жетісу облысының оңтүстік-шығысында және Ұлытау облысының орталық бөлігінде де төтенше өрт қаупі жоғары деңгейде сақталып отыр.
Ал Атырау, Батыс Қазақстан, Маңғыстау, Ақмола, Солтүстік Қазақстан, Жамбыл, Алматы және Түркістан облыстарының бірнеше ауданында жоғары өрт қау
