×
472.68
466.91
8.01
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
472.68
466.91
8.01

Ақшолақов: Шаруаларға дизельді жеткіземіз, бірақ бағасына жауап бермейміз

10.03.2022, 09:47
Фото: Ашық дереккөзден

Энергетика министрі Болат Ақшолақов 2022 жылғы көктемгі егіс жұмыстарын жүргізу үшін ауыл шаруашылығы тауарын өндірушілерге дизель отынын жеткізу туралы үкімет басшысының алдында баяндама жасады, деп хабарлайды Ulysmedia.kz порталы.

Министрдің айтуынша, ауыл шаруашылығы министрлігі жыл сайын облыстардың әкімдіктерімен бірлесіп, республиканың ауыл шаруашылығы тауарын өндірушілерне мұнай өнімдеріне деген қажеттілік көлемін айқындайды. Одан кейін  энергетика министрлігіне ауыл шаруашылығы тауарын өндірушілер үшін көктемгі егіс жұмыстарын жүргізуге дизель отынын жеткізу көлемі туралы ұсыныстар енгізеді.

«Бүгінгі күні энергетика министрлігі ауыл шаруашылығы министрлігімен бірлесіп «Облыстарды Мұнай өңдеу зауыттарына көктемгі егіс жұмыстары үшін дизель отынын жеткізу бойынша бекіту графигін» бекітеді, оның шеңберінде ауыл шаруашылығы тауарын өндірушілер үшін қажеттілік 400,26 мың тонна көлемінде бекітілді. Бекітілген кесте ауыл шаруашылығы министрлігі атынан облыс әкімдіктерінің ауыл шаруашылығы басқармаларына және энергетика министрлігінің атынан ресурс ұстаушыларға орындау үшін жіберілді», - деді ол.

Дизель отынының бағасы туралы айтқан министр 2022 жылғы көктемгі егіс жұмыстарын жүргізу үшін дизель отынына ұсынылатын баға тоннасына 212 мың теңгені (литріне 176 теңге) (ҚҚС-ты қоса алғанда) (FCA-тиеу станциясы шарттарында) құрайтынын айтты.

«Жеткізу мен сақтауды ескере отырып, ауыл шаруашылығы тауарын өндірушілер үшін болжамды баға шекті бекітілген бөлшек сауда бағаларынан төмен (литріне 230-260 теңге), бұл орташа алғанда 15-30%-ға арзан. Айта кету керек, Энергетика министрлігінде ауыл шаруашылығы тауарын өндірушілері үшін дизель отынына арзандатылған бағаларды заңнамалық бекіту құзыреті жоқ. Энергетика министрлігі ауыл шаруашылығы тауарын өндірушілер қажеттіліктері үшін дизель отынын уақтылы жөнелту бойынша барлық шараларды қабылдайды», - деді ол.