Қазақстанда алдағы үш күнде күн құбылмалы болады. Елдің бір бөлігінде нөсер жаңбыр жауып, найзағай ойнап, бұршақ түссе, енді бір өңірлерде аптап ыстық күшейеді, деп хабарлайды Ulysmedia.kz.
ҚАЙ ӨҢІРЛЕРДЕ ЖАҢБЫР ЖАУАДЫ
«Қазгидромет» болжамынша, 9-11 шілде аралығында еліміздің батысы мен солтүстік-батысында жаңбыр жауып, найзағай ойнайды. Кей жерлерде нөсер жаңбыр жауып, бұршақ түсіп, екпінді жел соғуы мүмкін.
9 шілдеде қолайсыз ауа райы шығыс өңірлерде де сақталады. Кейін жауын-шашын тоқтайды.
Сондай-ақ оңтүстік және оңтүстік-шығыстың таулы аймақтарында өткінші жаңбыр жауып, найзағай ойнайды.
ҚАЙ ӨҢІРЛЕРДЕ АПТАП ЫСТЫҚ БОЛАДЫ
Еліміздің басым бөлігінде жауын-шашын түспейді. Оның орнына күн қатты ысиды.
Күндіз ауа температурасы:
солтүстік-батыс, солтүстік және орталық өңірлерде +32…+40 градус;
оңтүстікте +45 градусқа дейін;
шығыста +30…+38 градусқа дейін көтеріледі.
Синоптиктердің мәліметінше, көп өңірде ауа температурасы көтеріліп, аптап ыстық күшейеді.
