Алматыда 20 жастағы қыз Алатау ауданындағы тұрғын үй кешендерінің бірінде оныншы қабаттың балконынан құлап кетті. Бұл туралы қалалық полиция департаменті мәлімдеді, деп хабарлайды Ulysmedia.kz.
Мән-жай
Құлаған кезде қыз бірінші қабаттағы металл қалқаға соғылып, кейін жерге түскен. Ол ауруханаға жеткізілді.
Полицияның мәліметінше, қазір зардап шеккен қыздың жағдайы ауыр. Дәрігерлер оның өмірі үшін күресіп жатыр.
Алдын ала дерек бойынша, оқиғаға дейін қыз бен оның жігітінің арасында жанжал болған.
Тексеру жүріп жатыр
Құқық қорғау органдары оқиғаның барлық мән-жайын анықтап жатыр. Бұл дерек бойынша тексеру жүргізіліп жатыр.
