Қазақстанның солтүстік өңірлерінде аптап ыстықтан кейін ауа температурасы аз уақытқа төмендейді, деп хабарлайды Ulysmedia.kz.
СОЛТҮСТІКТЕ АУА ТЕМПЕРАТУРАСЫ ТӨМЕНДЕЙДІ
Солтүстік-батыс циклонының әсерінен өңірде жаңбыр жауып, найзағай ойнайды. Кей жерлерде нөсер жаңбыр, бұршақ түсіп, екпіні күшті жел соғуы мүмкін.
Күндізгі ауа температурасы +25…+30 градусқа дейін төмендейді.
ОҢТҮСТІКТЕ АПТАП ЫСТЫҚТЫҢ БЕТІ ҚАЙТПАЙДЫ
Ал еліміздің оңтүстігі мен шығысында ыстық әрі негізінен жауын-шашынсыз ауа райы сақталады. Бұл өңірлерге Өзбекстан аумағынан жылы ауа массалары келуін жалғастырып жатыр.
Оңтүстік өңірлерде ауа температурасы кей жерлерде +40…+45 градусқа дейін көтерілсе, шығыста +33…+38 градусқа дейін жетеді.
Елдің қалған бөлігінде ауа температурасында айтарлықтай өзгеріс бола қоймайды.
