АҚШ президентінің арнайы өкілі Джаред Кушнер Газа мәселесі бойынша келіссөздер жүргізу үшін Израиль мен Мысырға барады, деп хабарлайды Ulysmedia.kz.
Мән-жай
Axios мәліметінше, Кушнердің сапары келесі аптада жоспарланған. Бұл оның қаңтардан бергі Израильге алғашқы сапары болмақ. Дональд Трамптың арнайы өкілімен бірге Газа бойынша Бейбітшілік кеңесінің жоғары өкілі болып тағайындалған Николай Младенов те барады.
Кушнер Каирде Мысыр, Қатар және Түркиядан келген делдалдармен келіссөз жүргізеді. Алдағы сапардың мақсаты – алдағы бірнеше айға арналған қадамдарды келісу және Газа мәселесінде Израиль тарапымен арадағы келіспеушіліктерді реттеу.
Газадағы жағдай
Газа секторында жергілікті әскери операциялар мен атыстар жалғасып жатыр. Аймақтағы гуманитарлық дағдарыс әлі де қиын. Сонымен қатар Израильдің саяси басшылығы АҚШ ұсынған әскерді кезең-кезеңімен шығару және оның орнына ХАМАС-ты қарусыздандыру жөніндегі бейбіт жоспарды ашық түрде қабылдамады.
Контекст
АҚШ президенті Дональд Трамп құрған «Бейбітшілік кеңесі» бұған дейін Газа секторында әскери база салу бойынша алғашқы келісімшартты жасасқан.
