Алматыда Mega сауда және ойын-сауық орталығының келушілері эвакуацияланды. Оқиға орнынан түсірілген видео әлеуметтік желіде тарады, деп хабарлайды Ulysmedia.kz.
Мән-жай
Кадрларда адамдардың ғимараттан жаппай шығып, сауда орталығының маңына жиналғаны байқалады.
«Қорқынышты екен, не болып жатыр?» — деп жазды Threads қолданушыларының бірі.
ТЖД мен MEGA Alma-Ata не деді?
Алматы қалалық ТЖД Ulysmedia.kz редакциясына сауда орталығында өрт ошағы анықталмағанын хабарлады. Шақыртудың жоғары деңгейі де расталмаған.
Ал сауда орталығының баспасөз қызметі қазір болған жағдайдың мән-жайын анықтап жатқанын мәлімдеді.
«MEGA Alma-Ata-да өрт дабылы іске қосылды. Жағдай бақылауда, барлық жүйе қалыпты режимде жұмыс істеп тұр. Сауда орталығы жұмысын жалғастырып жатыр. Келушілердің өмірі мен денсаулығына қауіп жоқ. Қазір тексеру жүргізіп, болған жағдайдың мән-жайын анықтап жатырмыз», — деп хабарлады сауда орталығының қызметкерлері.
