WhatsApp мессенджерінің басшысы Уилл Кэткарт Telegram платформасының қаупі жайлы айтты, деп хабарлайды Ulysmedia.kz.
Бұл туралы ол өзінің Twitter парақшасында жазды.
WhatsApp басшысының пікірінше, Telegram-да деректер қауіпсіздігі қамтамасыз етілмеген.
«Олардың е2ee (end-to-end encryption) хаттамаларында ақпаратты өзге қолданушылардан қорғайтын, шифрлайтын тәуелсіз тексеру жоқ. Telegram-да көптеген технологиялық компаниялар қабылдаған нақты ашықтық қағидаты да жоқ. Платформадағы өрескел қателіктер адамдарға қауіп төндіреді», - деп жазды Уилл Кэткарт.
Сондай-ақ, оның сөзінше бұл мессенджер құпия чаттардағы мәліметтерді өзге адамдардың оқуына мүмкіндік береді және Telegram әкімшілігі үкімет сұратуы бойынша кез келген құпия ақпаратты ұсынады.
