×
472.68
466.91
8.01
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
472.68
466.91
8.01

Біз АЭС салуға ниеттіміз - Энергетика министрі

25.03.2022, 11:54
Фото: Ашық дереккөзден

Энергетика министрі Болат Ақшолақов Қазақтан ресейлік «Росатом» компаниясымен тек маман даярлау туралы меморандумға қол қойғанын мәлімдеді. Оның айтуынша, әзірге елде АЭС қай елдің технологиясы бойынша салынатыны айқындалмаған, деп хабарлайды Ulysmedia.kz.

«Әлем бойынша атом эенргетикасының технологиясы Ресейде ғана емес. АҚШ-та, Еуродада, әсіресе Францияда жақсы дамыған. Жапонияның Америкамен бірлескен кәсіпорыны бар. Оңтүстік Кореяда, Қытайдың өзінде де дамып жатыр. Сол себепті бұл сұрақты әлі зерттеп қараған жоқпыз. Қазір атом стансасын қай жерге орналастыру, оған су жағынан, тектоника жағынан, жер сілкінісі болмайтын жерді таңдау бойынша жұмыстар жүріп жатыр», - деді министр Орталық коммуникациялар қызметінде өткен баспасөз мәслихатында.

Оның айтуынша, «Қазақстаннң қай технологиямен жұмыс істейтіні туралы сұраққа нақты жауап жоқ».

«Бірақ біз осы жылда ресейлік «Росатоммен» меморандумға қол қойдық. Бұл тек мамандарды дайындау үшін. Мамандар дегенде, бізде өкінішке қарай, атом саласының мамандарын дайындайтын оқу орындары жоқ. Егер АЭС салатын болсақ, әрине, ертең онда жұмыс істейтін адамдар, мамандар керек. Қазір соны дайындау керек. Бір стансаға 2000-дей адам керек, мысалы. Ол тек қана жұмысшылар емес, жақсы деңгеймен дайындалған мамандар болуға тиіс. Оларды 4-5 жыл дайындау керек. Одан кейін олар 2 жылдай тәжірибеден өтуі керек», - деді ведомство басшысы.

Сөз соңында Болат Ақшолақов министрлік “АЭС салуға ниетті” екенін жеткізді.