Ақтөбеде 35 жастағы әйел кісі қолынан қаза тапты. Интернетте шабуыл сәті түсірілген болуы мүмкін деген жантүршігерлік кадрлар пайда болды. Полиция күдіктіні ұстады, деп хабарлайды Ulysmedia.kz.
Мән-жай
Кісі өлтірді деген күдікпен Атырау қаласының 28 жастағы тұрғыны ұсталды. Ол уақытша ұстау изоляторына қамалды.
Алдын ала мәлімет бойынша, ер адам мен марқұм бір-бірін таныған. Олардың арасында жанжал туындап, күдікті әйелге пышақ жарақатын салған. Әйел оқиға орнында көз жұмды.
Полицияның не дейді
— Аталған факті бойынша қылмыстық іс қозғалды. Қазіргі уақытта оқиғаның барлық мән-жайын анықтауға бағытталған қажетті тергеу амалдары жүргізіліп, қылмыстың себептері мен уәждері анықталып жатыр, — деп хабарлады Ақтөбе облыстық полиция департаменті.
Тергеу облыстық полиция департаменті басшылығының бақылауында. Оқиғаға қатысты өзге мәліметтер жарияланған жоқ.
