Алдағы үш күнде Қазақстанның басым бөлігінде жаңбыр мен қар жауады. Шығыста көктайғақ болып, түнде ауа температурасы -11 градусқа дейін төмендейді. Тек елдің орталығы мен оңтүстігінде жауын-шашынсыз ауа райы сақталады, деп хабарлайды Ulysmedia.kz.
Қай өңірлерде және қашан жауын-шашын түседі?
15 қазанда елдің шығысы мен оңтүстік-шығысында нөсер жаңбыр мен қар жауады. Шығыста жолдарда көктайғақ болуы мүмкін. Республика бойынша жел күшейіп, түнде және таңертең тұман түседі.
16 және 17 қазанға қараған түні оңтүстік-шығыста ауа температурасы -2 градусқа дейін төмендейді.
Өңірлер бойынша ауа райы болжамы
Батыс өңірлерде түнде ауа температурасы +7…+15, күндіз +17…+25 градус болады.
Солтүстік өңірлерде түнде ауа температурасы -3…-8 градусқа дейін төмендейді. 17 қазаннан бастап 0…+8 градусқа дейін жылынады. Күндіз +7…+12 градус болады.
Орталық өңірлерде Қарағанды облысында түнде ауа температурасы -1…-8 градусқа дейін төмендейді. Өңірдің оңтүстігінде +3 градус болады. Күндіз ауа температурасы біртіндеп +10…+15 градусқа дейін көтеріледі. Ұлытау облысында түнде 0…+6, күндіз +10…+20 градус болады.
Шығыс өңірлерде ең төменгі температура тіркеледі. Түнде ауа температурасы -1…-11 градусқа дейін төмендеп, күндіз +3…+12 градус болады. Шеткі шығыста ауа температурасы -2 градусқа дейін төмендейді.
Оңтүстік өңірлерде түнде ауа температурасы +2…+10, күндіз +15…+25 градус болады.
Оңтүстік-шығыста түнде ауа температурасы 0…+8 градус аралығында болады. Таулы аймақтарда -7 градусқа дейін аяз. Күндіз +10…+22 градус болады.
