17-19 қазан аралығында елдің басым бөлігінде жаңбыр мен қар жауады. Елдің оңтүстігі мен оңтүстік-шығысында түнде ауа температурасы -1…-7 градусқа дейін төмендейді, деп хабарлайды Ulysmedia.kz.
Жауын-шашын мен тұман
Қазақстан аумағы арқылы атмосфералық фронттар өтеді. Шығыс пен оңтүстік-шығыстың таулы аймақтарында қар жауса, батыста жаңбыр жауып, найзағай ойнайды. Тек Ұлытау облысында жауын-шашын болмайды.
Елдің барлық өңірінде тұман түседі. Шығыста көктайғақ болады.
Өңірлердегі ауа температурасы
Батыста күндіз ауа температурасы +18…+25 градусқа дейін көтеріледі.
Солтүстік-батыста түнгі температура 0…+5 градустан -1…-6 градусқа дейін төмендейді. Күндіз ауа температурасы +13…+18 градустан +15…+20 градусқа дейін жоғарылайды.
Солтүстікте түнде ауа температурасы 0…+5 градустан -1…-6 градусқа дейін төмендейді. Күндіз +6…+12 градустан +12…+17 градусқа дейін жылынады.
Орталық өңірлерде күндіз +10…+20 градус жылы.
Шығыста түнгі температура 0…+5 градустан -1…-6 градусқа дейін төмендейді. Күндіз +3…+12 градус шамасында болады. Таулы аймақтарда күндіз ауа температурасы -2 градусқа жуықтайды.
Оңтүстікте түнде +2…+7 градус, күндіз +18…+25 градус.
Оңтүстік-шығыста күндіз ауа температурасы +10…+18 градусқа жетеді. Таулы аймақтарда +3…+8 градус шамасында болады.
Контекст
Бұған дейін синоптиктер қараша айындағы ауа райы болжамын жариялаған еді. Болжам бойынша, елдің барлық өңірінде орташа айлық температура климаттық нормадан 2 градусқа жоғары болады.
Алматыда айдың басында күндіз ауа температурасы +23 градусқа дейін көтерілсе, Астанада қарашаның соңына қарай түнде -15 градусқа дейін суытады.
