20-22 қазан аралығында Қазақстанның басым бөлігінде жаңбыр мен қар жауады. 20 қазан күндіз Павлодар облысында, ал 21 және 22 қазанда елдің шығысында қатты жауын-шашын болады, деп хабарлайды Ulysmedia.kz.
Жауын-шашын, көктайғақ және жел
Ел аумағы арқылы атмосфералық фронттар өтеді. Тек оңтүстікте жауын-шашын болмайды. Солтүстік пен шығыста көктайғақ болады. Еліміздің барлық өңірінде жел күшейіп, түнде және таңертең тұман түседі. Оңтүстік пен оңтүстік-шығыста түнгі аяз -1…-3 градусқа дейін жетеді.
Өңірлердегі ауа райы
Батыста түнгі ауа температурасы -6…+2 градусқа дейін төмендеп, күндіз +15…+22 градусқа дейін көтеріледі.
Маңғыстау облысында түнде +2…+10 градус, күндіз +21…+26 градустан +18…+23 градусқа дейін төмендейді.
Ақтөбе облысында түнгі температура 0…+5 градустан -1…-6 градусқа дейін төмендейді. Күндіз +12…+17 градус жылы болады.
Қостанай облысы мен солтүстік өңірлерде түнде ауа температурасы -1…-6 градустан 0…+5 градусқа дейін өзгереді. Күндіз +2…+10 градус болады.
Елдің орталығында түнгі температура 0…+5 градустан -1…-6 градусқа дейін төмендейді. Күндіз +3…+11 градустан +7…+13 градусқа дейін көтеріледі.
Шығыста түнде 0…+5 градус, күндіз +2…+7 градус болады. Өңірдің қиыр шығысында ауа температурасы шамамен -1 градусқа дейін төмендейді.
Оңтүстікте түнде ауа температурасы 0…+5 градусқа дейін төмендейді. Күндіз +18…+23 градустан +12…+17 градусқа дейін салқындайды.
Оңтүстік-шығыста түнде 0…+8 градус, таулы аймақтарда -3…-8 градус болады. Күндіз ауа температурасы +15…+20 градустан +8…+16 градусқа дейін төмендейді.
