Жетісу – аграрлы аймақ. Мұндағы тұрғындардың 56 пайызы ауылдық жерлерде тұрады. Дегенмен, облыстағы барлық ауылшаруашылық техникаларының 65 пайызы, су шаруашылығының нысандарың 70 пайызы тозған, деп хабарлайды Ulysmedia.kz.
Сала мамандарының мәліметінше, атаулы сала бойынша жайылымдық жердің тапшылығы 700 мың гектарды құрап отыр. Осындай өзекті мәселелерді шешуге «AMANAT» партиясы «білек сыбанып» отыр. Себебі партияның мақсаты – өңірдің әлеуетін арттыру, әлеуметінің тұрмысын қолайлы ету. Міне, осындай өрелі әңгіме партияның Жетісу облыстық филиалы атынан облыстық мәслихат депутаттығына кандидат Абзал Омарқұлов «Жер Ана» өндірістік ауылшаруашылық кооперативі ұжымымен кездесуде сөз болды.
Кандидаттың пайымынша, «AMANAT» партиясы өңірдің ауылшаруашылығын дамытуға жан-жақты бастамаларды жүзеге асырмақ. Біріншіден, техникаларды жаңалауға, егістік көлемін ұлғайтуға күш жұмылдырмақ.
“Партиямыз жан-жақты трансформацияланды. Біз құрғақ уәде мен құр сөзді тірлігімізге арқау етпейміз. Өйткені, иінімізде халықтың аманаты тұр. Халықтың аманаты – елді өркендету. Ал Қазақстанды өрісті, қуатты елге айналдыру үшін ауылды әлеуеттендіру қажет. Міне, осы бағытта партиямыз 2027 жылға дейін 600 дана ауылшаруашылық техникасын лизингке алуға, өңірдің басты бренді қант қызылшасы егілетін алқапты 12 мың гектарға ұлғайтуға, жаңадан 900 мың гектар жайылымдық жер енгізуге мұрындық болмақ, - А.Қасымұлы.
Үміткердің сөзінше, осындай ауқымды жұмыстар нәтижесінде ауылшаруашылығындағы жалпы ішкі өнім көлемі 1,3 есеге ұлғаяды. Сондай-ақ, «Жер Аманаты» жобасы аясында заңсыз берілген немесе пайдаланылмай жатқан жерлер толық мемлекет меншігіне қайтарылады.
- Ауылдардың әлеуетін көтеру үшін біз шағын және орта кәсіпкерлікке ден қойып отырмыз. Алдағы бес жылда атаулы салада жұмыспен қамтылғандар санын 130 мыңға жеткізуге атсалысамыз. ШОБ-ты қолдау арқылы облыс экономикасындағы осы саланың үлесін 42 пайызға жеткіземіз”, - деді кандидат.
Кооператив ұжымы партияның мұндай етжеңді бастамаларына разылығын білдіріп, әрқашан «AMANAT» партиясының қолдаушысы боларын жеткізді.
Жетісу облыстық мәслихаты депутаттарының сайлауында партиялық тізімді ұсынған «AMANAT» партиясы Сайлау қорының қаражатынан төленді
