×
472.14
498.39
7.65
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
472.14
498.39
7.65

Қазақстанда сәуірде күн күрт ысиды

01.04.2022, 12:00
Фото: ашық дереккөзден

Ауа райы температурасы 35 градусқа дейін көтерілмек деп хабарлайды Ulysmedia.kz.

Күн ұзаратын бұл ай басталмай жатып еліміздің солтүстігінің өзінде жылы сәттер көбейіп, қар еріп, тасқын су үйлерді басып қалып, жолдарды шайып кетуде екені белгілі. Дегенмен бірінші онкүндіктің ортасынан бастап циклон шығыс бағытта қозғала отырып, республиканың қалған аумағында да ауа райының құбылмалылығына алып келеді. Жауын-шашын (жаңбыр, қар) - көбінесе солтүстік өңірлерде, оңтүстік өңірлерде жаңбыр, найзағай күтіледі. Еліміздің басым бөлігінде тұман, көктайғақ және желдің екпіні 15-20, жекелеген күндері 23-28 м/с дейін күшейеді.

Сәуірдің бірінші онкүндігінің басында ауа температурасы жоғарыламақ:

- республиканың батысында түнде +1+9°С-тан +3+12°С-қа, күндіз +7+15°С-тан +15+22°С-қа дейін;

- солтүстігінде, солтүстік-батысында, шығысында түнде -5+3°С-тан 0,+7°С-қа дейін, күндіз +2+10°С-тан +5+13°С-қа дейін;

- орталығында түнде 0,-5°С-тан +2+7°С-қа дейін, күндіз +6+11°С-тан +13+18°С-қа дейін.

Сәуірдің бірінші онкүндігінің ортасында антициклонның әсерімен еліміздің батысында, солтүстік-батысында және солтүстігінде ауа температурасының аздап қысқа мерзімді төмендеуі күтілуде. Ауа температурасы түнде -5+3°С-қа, күндіз +3+10°С-қа дейін төмендейді.

Алайда республиканың оңтүстік және оңтүстік-шығыс өңірлерінде бірінші онкүндік ішінде түнгі ауа температурасының түнде +8+13°С-қа дейін жоғарылауы, ал күндізгі ауа температурасының +15+23°С-тан +20+28°С-қа дейін ауытқуы күтілуде.

«Сәуірдің екінші және үшінші онкүндіктерінде Қазақстан аумағына Иран мен Орта Азия аудандарынан жылы ауа массаларының жиі енуі жүзеге асады, олар температураның жоғары фонын негіздейді: еліміздің солтүстік жартысында күндіз +15+23°С, оңтүстігінде +28+35°С. Бірақ бұған қарамастан, негізінен батыс аймақтарда және елдің солтүстік жартысында атмосфералық фронттардың өтуімен ауа-райының тұрақсыз сипаты болжанады. Жауын-шашын (қарға ауысатын жаңбыр) боран, тұман, көктайғақ болуы мүмкін, жел екпіні 28 м/с-қа дейін жетеді, оңтүстік жартысында жекелеген күндері жауын-шашын күтіледі (негізінен жаңбыр түрінде), таулы және тау бөктерінде ауа температурасы төмендеген кезде қар да болуы мүмкін. Найзағай, бұршақ, шаңды дауыл сияқты құбылыстар сәуір айында жиі кездеседі», – деп болжайды сарапшылар.

Көктемнің ортасында ауа температурасының айтарлықтай төмендеуі болатын суық күндер болуы мүмкін. Республиканың солтүстік, орталық және шығыс өңірлерінде суық ауа массаларының енуі кезінде термометр бағандары түнде 0,-9°С-қа, күндіз +3+8°С-қа дейін, елдің оңтүстік және батыс өңірлерінде түнде -5+7°С-қа, күндіз +10+15°С-қа дейін төмендеуі ықтимал.