×
472.14
498.39
7.65
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
472.14
498.39
7.65

Дидар Смағұлов: Қазақстанда балалар үйірмесіне бөлінген 28 млрд теңге ұрланып жатыр

01.04.2022, 19:07
Фото: Ашық дереккөзден

«Әділдік жолы» республикалық қоғамдық бірлестігінің басшысы Дидар Смағұлов Қазақстанда балалар үйірмелеріне бөлінген қаражат жымқырылып жатқанын мәлімдеді, деп хабарлайды Ulysmedia.kz.

«Бұрын кез келген саладағы ұрлыққа бойым үйренер деп ойлаушы едім. Алайда балалардан ақшаны қалай жымқыруға болатынын түсінбей-ақ қойдым. Балалардан!» - деп жазады Дидар Смағұлов.

Оның хабарлауынша, елде президенттің тапсырмасымен 5984 өнер үйірмесі мен 3289 спорт үйірмесі тегін құрылған. Ол үшін биыл 28 млрд теңге бөлінген.

«Біздің алғашқы талдау жұмыстары көрсетіп отырғандай, осы ақшаның бәрі ұрланып жатыр: балаларды өтірік жазады, ал ата-аналары оны білмейді де. Егер сіз artsport.edu.kz сайты арқылы үйірмеге жазыла алмасаңыз, онда сіздің балаңыз спортпен және өнермен «айналысып» жатыр деп есептей беріңіз», - дейді ол.