×
432.69
455.32
6.81
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
432.69
455.32
6.81

Заңгер: Данат Намазбаевтай патриоттарды пост жазғаны үшін соттау ойға сыймайды

02.04.2022, 01:07
Фото: Ашық дереккөзден

Белгілі заңгер Бауыржан Азанов Ulysmedia.kz порталына сұхбатында таяуда сотталған Данат Намазбаев пен Марғұлан Боранбайдың ісі жайлы пікірін білдірді.

«Ол төрт баланың әкесі. Ешкімде шаруасы жоқ адам. Ешқандай қылмыстық немесе әкімшілік жауапкершілікке тартылмаған. Тап-таза, адал жігіт. Ал енді оның сотталу себебі – фейсбукке екі пост жазып, сотталуымен ешкім келісе алмайды. Әрине, оның қорғаушылары да. Сол постқа сараптама жасап, соттап жіберумен біз келісе алмаймыз. Ол дұрыс емес. Сөз бостандығы мен ой бостандығы үшін адамды соттау дұрыс емес! Аппеляциялық сотына кірістім. Алматы қалалық сотының аппеляциясы заңды түрде шешім қабылдайды деп үміттенеміз», - деді Бауыржан Азанов.

Заңгердің айтуынша, Марғұлан Боранбайды, Данат Намазбаев сотталғандықтан, қазір пост жазудың өзі қорқынышқа айналғанын айтады.

«Біздің Қазақ елінің патриотын пост жазғаны үшін соттау сұмдық қой. Сол үшін пост жазуға да қорқатын болдық қой. Әрине шыны керек, мен қорқам. Қорқасың. Қайдан білесің, ертең не болатынын. Сондықтан бізде сөз бостандығына шек қойып отырған баптарды не қылмыссыздандыру керек, не сол қылмыс болып танылмауы керек! Сорлы жер болдық. Қашан көрсең, бауырларымыз жазықсыз сотталып жатады. Бәріміз түк болмағандай жүре береміз. Қоғам өзгермей ештеңе өзгермейді. Пікірталас жоқ қоғамда. Әркім өз өмірімен жүр. Ешкімнің ешкімде қатысы жоқ. Ондай жерде ешқандай өзгеріс болмайды», - деп түйді заңгер.