×
476.71
467.03
8.36
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
476.71
467.03
8.36

Батыс Қазақстанда 170-тен астам үйді су басты

03.04.2022, 14:21
ҚР ТЖМ баспасөз қызметі

Батыс Қазақстан облысы Жәнібек ауданында екі ауылды су басты. 650-ге жуық адам эвакуацияланды, деп хабарлайды Ulysmedia.kz Төтенше жағдайлар министрлігінің баспасөз қызметіне сілтеме жасап.

Ведомство ақпаратынша, 3 сәуір күні Жәнібек ауданында қардың еруі мен жауын-шашын салдарынан екі елді мекенді су басты.

"Жақсыбай ауылында шамамен 170 үй су астында қалды. Жергілікті атқарушы органдар мен Шекара қызметінің күшімен 637 адам эвакуацияланды. Соның ішінде 305 адам, оның ішінде 89 бала М.Б. Ықсанов атындағы мектеп-балабақша кешеніне және 332 адам туыстарының үйлеріне орналастырылды", - делінген хабарламада.

Ал Таловка ауылында 2 үйді су басқан. Сегіз адам эвакуацияланды, соның ішінде екі бала қазір туыстарының үйінде.

ТЖД, әкімдіктер, Шекара қызметінің күштері аулаларды аралап, кезекшілік ұйымдастырды.

Атырау облысының Төтенше жағдайлар департаменті Батыс Қазақстанға МИ-8 тікұшағымен қажетті құрал-жабдықтары бар 12 құтқарушыны және автокөлікпен 34 адам және 4 бірлік техника жіберді.

Сондай-ақ облыс орталығынан жеке құрамның 20 адамы мен 3 бірлік техникадан тұратын қосымша күштер аттанды.