×
425.02
450.1
7.17
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
425.02
450.1
7.17

Руда тиеген жүк пойызы Ертіс өзеніне құлады

04.04.2022, 09:54
Көрнекі сурет: ашық дереккөзден

Шығыс Қазақстан облысында руда тиелген жүк пойызының вагондары рельстен шығып кетті, деп хабарлайды Ulysmedia.kz "Қазақстан темір жолы" компаниясының баспасөз қызметіне сілтеме жасап.

Алдымен әлеуметтік желіде өзен арқылы өтетін көпір маңында аударылған вагондардың видеосы тарады. Куәгерлердің айтуынша, 10-нан астам вагон аударылған, тағы алтауы Ертіс өзеніне құлаған.

Кейінірек ҚТЖ оқиға 3 сәуір сағат 12:04-те Шығыс Қазақстан облысы Өскемен-Күмістау теміржол учаскесінде болғанын нақтылады.

Жүк пойызының 18 вагоны рельстен шығып кеткен.

"Пойыз сағатына 37 км жылдамдықпен жүрген. Руда тиелген екі вагон Ресейдің меншігі. Шлак тиелген тағы 16 вагон "ҚазцинкТемірТранс" ЖШС-не тиесілі", - делінген хабарламада.

Қаза болғандар мен зардап шеккендер жоқ. Жолаушы және жүк пойыздарының кідірісі болған жоқ.

Қазір қалпына келтіру жұмыстары жүріп жатыр. Болған жағдайдың себеп-салдарын анықтау үшін "ҚТЖ" компаниясы басшыларынан комиссия құрылды.