Түркия 7 мемлекеттегі елшілерін ауыстырды. Құжаттың мәтіні президент Ердоғанның қолымен үкіметтің ресми газетінде жарияланған, деп хабарлайды Ulysmedia.kz "Анадолы" агенттігіне сілтеме жасап.
Атап айтқанда, Түркияның Португалия, Ұлыбритания, Қазақстан мен Ирандағы елшілері ауысты.
Президент Режеп Тайып Ердоғанның қолы қойылған құжаттың мәтіні бейсенбіде үкіметтің ресми газетінде – Resmi Gazete-де жарияланды.
Аталмыш шешімге сәйкес, Астанадағы Елші Уфук Экиджи Луандадағы Түркия дипломатиялық миссиясының басшысы болып тағайындалды. Оның орнына бұрын Құқықтық қызметтер басқармасының бас директоры болған Мұстафа Капуджу тағайындалды.
