×
425.02
450.1
7.17
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
425.02
450.1
7.17

Қайрат Сатыбалдыұлының бақылауындағы компания басшылары ұсталды - Антикор

04.04.2022, 14:15
Ulysmedia.kz

Сыбайлас жемқорлыққа қарсы қызмет Қайрат Сатыбалдыұлына қатысты істің тергелуі туралы ақпарат жариялады, - деп хабарлайды Ulysmedia.kz.

"Сыбайлас жемқорлыққа қарсы қызмет Қайрат Сатыбалдыұлы, Гүлмира Сатыбалды және басқа да тұлғаларға қатысты тергеуді жалғастырып жатыр. Тергеу барысында Сатыбалдыұлының бақылауындағы кәсіпорындардың - кірме теміржол желілері (соңғы шақырым) иелері ұрлығының қосымша фактілері анықталды. Олар Мемлекеттік органдардың лауазымды тұлғалары көмегімен елдің қала құраушы кәсіпорындарына кірме жолдардың қызметтеріне тарифті негізсіз көтеру арқылы көп миллиардтық пайда тапқан", - делінген хабарламада.

Ведомство мәліметінше, Сатыбалдыұлының бақылауындағы екі компания басшылары ұсталып, сот санкциясымен қамауға алынған.

Айта кетейік, Нұр-Сұлтан қалалық соты Гүлмира Сатыбалдыны 2 айға қамауға алуға санкция берген болатын. Ал Гүлмира Сатыбалды экс-президент Нұрсұлтан Назарбаевтың інісі Қайрат Сатыбалдының бұрынғы әйелі. Бұған дейін Сыбайлас жемқорлыққа қарсы қызмет "Қазақтелеком АҚ-ның қаражатын аса ірі көлемде ұрлау фактілері бойынша" Қайрат Сатыбалдының да ұсталғанын жария етті. Әділет министрі Қанат Мусин Қайрат Сатыбалдының ұсталуы ҚР Тұңғыш Президенті туралы заңға қайшы келмейтінін айтқан болатын.