Димаш Құдайберген ұзақ уақыттан кейін Қытай сахнасына оралды, деп хабарлайды ulysmedia.kz.
Қазақстандық әнші Бейжің студенттік кинофестивалінде өзінің Screaming хитін орындады. Пекин студенттік кинофестивалі 1993 жылы құрылған және жыл сайын үлкен көлемде өткізілетін Қытайдағы алғашқы кинофестиваль саналады. Фестивальді жыл сайын Бейжің педагогикалық университеті және Пекин қалалық радио, кино және теледидар бюросы ұйымдастырады, дейді dimashnews.com.
620 күннен кейін Димаш тағы да Қытай сахнасына үлкен құлшыныспен аяқ басты. Ол онда өзінің ең танымал композицияларының бірі – өзінің алғашқы қытайлық «iD» альбомынан Screaming әнін орындады.
«Dears, бұл орындалды! 2 жылдан кейін мен Қытайға оралдым. Мен тағы да сіздермен біргемін. Карантин кезінде біздің барлық жоспарымыз өзгерді. Бірақ мен сіздерді мүмкіндігінше жиі қуантуға тырысамын. Сіздерді жақсы көремін. Сәлем, Қытай! Мен қайтып келдім!», - деп Димаш Weibo-дағы ресми парақшасында эмоцияларымен бөлісті.
Көрермендер Димаштың 28-ші студенттік кинофестивальдегі өнерін 30 қыркүйекте жергілікті уақыт бойынша сағат 20:15-те CCTV телеарнасынан көре алады.
