×
475.51
464.15
8.2
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
475.51
464.15
8.2

Байден Путиннің қыздарына да санкция салды

07.04.2022, 09:29
Көрнекі сурет: ашық дереккөзден

АҚШ президенті Джо Байден Ресейге қарсы жаңа санкциялар пакетін енгізетінін мәлімдеді, деп хабарлайды Ulysmedia.kz "Голос Америки" сайтына сілтеме жасап.

Санкциялар Ресей басшылығына және олардың отбасына, оның ішінде, Ресей президенті Владимир Путиннің қыздарына, сыртқы істер министрі Сергей Лавровтың әйелі мен қызына, сондай-ақ Ресей Қауіпсіздік кеңесінің мүшелеріне, оның ішінде бұрынғы президент Дмитрий Медведев пен премьер-министр Михаил Мишустинге қатысты болады.

"Осы бір жыл ішінде біздің санкциялар Ресей экономикасы соңғы 15 жылда қосқанының бәрінен айырады. Өйткені Ресейді жартылай өткізгіштерді, квант технологияға арналған құрамдастарды импорттау, Интернет транзакцияларын қауіпсіз кодтау сияқты технологиялардан, ХХІ ғасырда бәсекеге қабілетті болу үшін қажет нәрсенің бәрінен ажыраттық. Біз Ресей экономикасының алдағы жылдарға өсу мүмкіндігіне тосқауыл қоямыз", - деді Байден.

Сондай-ақ ол еуропалық одақтастарымен бірлесе отырып, ресейлік элита саналатындардың аты-жөні мен олардың отбасы мүшелерінің аты-жөнін қамтитын тізім жасап жатқандарын айтты. Олар да санкцияға ілінеді.