×
472.14
498.39
7.65
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
472.14
498.39
7.65

"Қазақтелеком" қызметкерлері жалақыларын ала алмай жүр

09.04.2022, 18:10
Көрнекі сурет: ашық дереккөзден

"Қазақтелеком" АҚ қызметкерлерлері жалақыларын ала алмай жүргенін айтып, компания басшысы Қуанышбек Есекеевке тікелей шығыпты. Бұл туралы журналист Махамбет Абжанға сілтеме жасай отырып,  Ulysmedia.kz хабарлайды.

"Корпоративті сегмент саудасы" бөлімінің қызметкерлері екінші ай қатарынан жалақының бір бөлігін ала алмай жүрген айтқан. 

“Неге біреудің шалағай әрі жауапсыздығына байланысты өз жұмысын сапалы істеген қызметкерлер қиындық көру керек? Бұл жағдай “Корпоративті сегмент саудасы” бөліміндегі мамандардың әділетсіздікке тап болғанын көрсетіп отыр”, делінген хатта.

Қызметкерлер Қуаныш Есекеевтің осы іске тікелей араласуын сұрап, жалақының толық көлемде төленуін талап етуде. Егер 15 сәуірге дейін олар жалақысын толық алмаса, компаниядағы топ менеджерлер бонус ретінде қанша қаржы алатынын ашық айтуға оқталып отыр.

Ал “Қазақтелеком” жалақы тек 20 сәуірде болады деп хабарлаған.

Естеріңізге сала кетейік, 13 наурыз күні “Қазақтелеком” акционерлік қоғамының қаржысын жымқырды деген күдікпен Нұрсұлтан Назарбавтың немере інісі  Қайрат Сатыбалдыұлы ұсталған болатын. Бұл іс бойынша Есекеев куәгер ретінде шақыртылды. Үш күн өткеннен кейін “Қазақтелеком” директорлар кеңесі Есекеевті компания төрағалығына қайта сайлады.

Айта кетерлігі, Есекеев бұл қызметті 2010 жылдың наурыз айынан бастап атқарып келеді. Осы уақытқа дейін компания сарапшылар мен қоғам белсенділерінің, тіпті Үкіметтің қатаң сынына қалып жүр.

Кселл” мен “Теле2” ұялы байланыс операторлары да “Қазақтелеком” компаниясына қарайды. Соның нәтижесінде сапалы қызмет пен оң өзгеріс болуы тиіс еді. Алайда арады 3 жыл өтті. Әзірге оң нәтиже байқалмайды.