×
432.69
455.32
6.81
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
432.69
455.32
6.81

Министрлік Қазақтелекомның монополиясымен батылырақ күреспек

09.04.2022, 20:38
Фото: Ашық дереккөзден

Цифрлық даму, инновациялар және аэроғарыш өнеркәсібі министрі Бағдат Мусин Ulysmedia.kz порталына берген сұхбатында телеком операторларының жауапсыздығына қарсы шара қабылданатынын мәлім етті.

«Қазақтелеком кеңес кезеңінен бай мұраға ие болғанын және ұзақ жылдар бойы оған ешкімді жібермегенін барлығы біледі. Мәселені шешу үшін біз мониторинг жүргізіп, оператордың «монополиялық тәбетін» реттеуге мүмкіндік алу үшін нормативтік-құқықтық актілерді әзірлейміз», - деді ол.

Бағдат Мусиннің айтуынша, телеком операторларының жұмысы анық бизнес.

«Біздің министрлік нормативті-құқықтық базаны жазады. Қалай дұрыс жұмыс істеу керектігін реттеп, радиожелілік беріп, қызметіне рұқсат береді. Үшіншіден, біз сигналдарды реттеп, айыппұл да сала аламыз. Сол себепті Жаңа Қазақстан туралы айтқандай, біз басқа ойларсыз қоғамға пайдалы іс үшін тер төгіп жатырмыз. Сондықтан радиожелілік аукцион арқылы ғана таратылатынын жарияладық. Ешкім кулуарлы түрде келіспейтін болады. Радиожелілік деген сөз оператор үшін малшыға қажетті жермен тең. Егінші немесе малшы жерсіз жұмыс істей алмайды ғой. Сол секілді байланысшылар радиожелілерге тәуелді. Осы желілер ведомствоаралық отырыста бес адамның келісуімен бөлінетін. Енді біз бұл саланы реттеп жатырмыз», - дейді министр.

Бағдат Мусин бір жылдың ішінде министрлік 50 рет қорытынды өлшем жүргізгенін, одан кейін бар-жоғы 13 млн теңге көлемінде айыппұл салған. Яғни миллиардтап ақша табатын мобильді байланыс операторлары бар-жоғы 13 млн теңге айыппұл төлеген.

«Былтыр телекоммуниция комитетіне егер оларды реттей алмасаңдар жұмыстан кетіңдер дедім. Біз кемінде 500 рет тексеру жүргізуіміз керек болды. Байланыс қайда барын, қайда жоғын  тексеру керек болған. Сол тексерулерден кейін 130 млн теңге айыппұл салдық. 10 есе көп! Бірақ миллиардтардың жанында 130 млн теңге деген не сөз? Бұл түк емес. Телеком операторларына бірдеңені түзеудің орнына сапасыз байланыс үшін айыппұл төлеу оңай бола салатындай жағдай туындаған. Түсінесіз бе? Сондықтан біз сапа параметрлерін реттедік. Президент байланыс операторларының жауапкершілігін арттырумен келісті. Айыппұлды 10 есе көбейтуді ұсындық. Алайда мұндай шараны қабылдаудың қажеті жоқ деген адамдар да бар. Депутаттық корпуста бұл дұрыс емес деген де адамдар баршылық. Ой екіге бөлінді. Осы жерде президенттің тапсырмасын ғана орындап жатқанымызды еске салғым келеді. Бақылаушы қызметті күшейткіміз келеді. 500 мың теңге емес, сапасыз интернет үшін 5 млн теңге айыппұл салғымыз келеді. Миллиардтап айыппұл төлеген кезде ғана олар байланыс сапасын жақсартуға атсалысады», - дейді ол.

Десе де бақылауды күшейткенімен, министрлік тиранияға барғысы да келмейді.

«Оларды ынталандырғымыз келеді. Базалық стансаны олар салса болды – салық жағынан оларға жеңілдік бергіміз келеді», - деп атап өтті ол.