×
432.69
455.32
6.81
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
432.69
455.32
6.81

Түркістан облысында Ресейден келе жатқан үлкен жүк көлігі өртеніп кетті

10.04.2022, 11:50
Түркістан облысы ПД

Ресейден Тәжікстанға бет алған үлкен жүк көлігі Түркістан облысында жолда жанып кетті, деп хабарлайды  Ulysmedia.kz Түркістан облысы ПД баспасөз қызметіне сілтеме жасап. 

Төтенше жағдай 9 сәуірде кешкі сағат 21.00-де болғаны хабарланды. Аудандық полиция бөлімінің 102 пультіне Жиенқұм ауылының жанындағы Самара-Шымкент тасжолының 73-шақырымында жүк автокөлігі жанып жатқаны туралы хабарлама түскен.

"Оқиға орнына аудандық бөлімнің жедел-тергеу тобы шықты. Мұқият тексеру кезінде тәртіп сақшылары Ресейден Тәжікстанға бара жатқан Volvo маркалы жүк көлігі тіркемесінің баллоны жанғанын анықтады", - деп хабарлады аймақ полицейлері.

Ақпарат бойынша, өздігінен жанған үлкен жүк тиегіш тұрмыстық техникамен бірге толық өртеніп кеткен. Материалдық залалдан басқа зардап шеккендер жоқ. Жүргізуші құжаттармен бірге жүк көлігінен шығып үлгерген.

Өрт сөндірілді. Жол тазаланып, қозғалыс ашық.