×
429.57
447.35
6.94
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
429.57
447.35
6.94

Францияда президент сайлауы өтіп жатыр

10.04.2022, 15:45
BENOIT TESSIER

Францияда президенттік сайлаудың бірінші туры басталды, деп хабарлайды Ulysmedia.kz РИА Новости порталына сілтеме жасап.

Француз коммуналарының көпшілігінде сайлау учаскелері жергілікті уақыт бойынша 19.00-ге дейін ашық болады, ал үлкен қалаларда, соның ішінде Парижде, Лион, Марсель, Ницца, Бордо, Тулуза және басқаларында 20.00-ге дейін жұмыс істейді.

Дауыс беру екі турдан тұрады, біріншісі - 10 сәуірде, екіншісі - 24 сәуірде өтеді. Екінші турда біріншісінен өткен екі кандидат бақ сынасады.

Бірінші кезеңде 12 саясаткер жоғары мемлекеттік лауазымға үміткер болады, олардың ішінде Францияның қазіргі президенті Эммануэль Макрон, "Ұлттық бірлестік" оңшыл партиясының жетекшісі Марин Ле Пен, "Республикашылдар" орталық-оңшыл партиясының кандидаты Валери Пекресс, оңшыл кандидат Эрик Земмур, "Жауланбаған Франция" солшыл партияның жетекшісі Жан-Люк Меланшон, Коммунистік партияның ұлттық хатшысы Фабьен Руссель, Париж мэрі Анн Иидальго, социалистер партиясынан үміткер, Еуропа - Экология - Жасыл" партиясының мүшесі Янник Жадо және басқалар бар.

Бірінші турдың алдында жарияланған сауалнамалардың нәтижесі бойынша Макрон жеңіске жетіп тұр. Ол Ле Пеннен аз ғана озған.

Elabe компаниясының сауалнамасына сәйкес, 8 сәуірдегі жағдай бойынша, Макрон бірінші турда 26 пайыз, ал Ле Пен 25 пайыз жинаған.