×
476.71
467.03
8.36
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
476.71
467.03
8.36

Қазақстанда Ресей пропогандасын жүргізетін телеарналар жабыла ма - министрдің жауабы

12.04.2022, 11:20
Фото: Ашық дереккөзден

Ақпарат және қоғамдық даму министрі Асқар Умаров үкімет отырысынан кейін Ресейдің насихат жүргізетін телеарналар туралы сұраққа жауап берді. Оның айтуынша, ресейлік және басқа да шетелдік телеарналар кабельдік желі арқылы көрсетіледі. Әр адам пакетті таңдауға құқылы, деп хабарлайды Ulysmedia.kz порталы.

«Қазақстанда Ресейдің Украинаға жасаған шабуылын қолдайтын азаматтар баршылық. Әлем елдері Ресейдің федералдық арналарына шектеу қойып жатыр. Бізде де оларды жабу қарастырыла ма?» - деп сұрады журналистер.

Бұл сұраққа жауап берген министр әр адам пакетті таңдауға құқылы екенін, бірақ пакеттерде міндетті түрде қазақстандық 15 арна болатынын мәлім етті.

«Бірінші пакетте болады. Басқа пакетті көрермен өзі таңдайды. Бірақ кейбір телеарна Қазақстан заңын бұзса, азаматтар құзырлы органдарға арыз түсіре алады», - дейді Омаров.

Оның айтуынша, әлдебір арнаны шектеу мәселесі күн тәртібінде жоқ.