×
429.57
447.35
6.94
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
429.57
447.35
6.94

Қанды қаңтарда кездейсоқ құрбан болғандардың туыстарына 7 млн теңге берілмек

13.04.2022, 18:10
Көрнекі сурет: ашық дереккөзден

Болат Жәмішев «Қазақстан халқына» қорының қамқоршылық кеңесі қаңтар оқиғасында кездейсоқ қаза тапқандардың туыстарына қайырымдылық көмек көрсету туралы шешім қабылдағанын айтты, деп хабарлайды Ulysmedia.kz.

“Құзырлы органдардан қаңтар оқиғасында кездейсоқ зардап шеккендердің тізімін де алдық. Келесі аптада Қамқоршылық кеңестің шешіміне сәйкес бұл көмекті төлейміз деп ойлаймын”, – деді “Қазақстан халқына” қоғамдық қорының төрағасы Болат Жәмішев

Оның айтуынша, қаңтардағы бүлік кезінде 211 бейбіт тұрғын қаза тапқан. Бүгінгі таңда қордан сегіз адамның отбасына қаражат бөлінді, қаңтар оқиғасында кездейсоқ құрбан болған тағы 13 адамның туыстарына жәрдемақы төлеу жоспарланған. Бір отбасына төленетін төлем мөлшері – 7 миллион теңге.

“Кездейсоқ немесе кездейсоқ емес екенін қылмыстық істерді тексеріп жатқан тергеу органдары ғана анықтай алады. Тергеу аяқталған соң біз төлем жасаймыз”, – деді Болат Жәмішев.