×
476.71
467.03
8.36
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
476.71
467.03
8.36

Хайп ұстамаңыз: Жәмішевті «Қазақстан халқынаның» ашықтығы жайлы сұрақ зәрезап қылды

13.04.2022, 20:56
Коллаж: ulysmedia.kz.

Әдетте сабырлы Болат Жәмішев бүгінгі брифингте Ulysmedia.kz порталы тілшісінің «Қазақстан халқына» қоры жұмысының әділдігі туралы сұрағына мінез таныта жауап берді. Жаңа құрылым басшысына бұған дейінгі Қазақстан Даму банкі мен «Жусан банктегі» жұмысын еске салғаны ұнамай қалған секілді.

«Бұл қор сөзсіз жіті назарда болды, бола береді де. Әлбетте, бәрі ашық әрі әділ болады», - деді Жәмішев.

Қазақстан Даму банкі жайлы сұраққа ол банктә бес жыл басқарып, үш жыл бұрын кетіп қалғанын айтты. Алайда ҚДБ-да бәрі жақсы екеніне көзі жететінін де қосты.

«Егер банк портфелін қарайтын болсақ, бұл сенімді, таза портфель, проблемалық қарыздар, мерзімін өткізіп алу турасында ештеңе жоқ. Сондықтан мен сіздің сұрағыңызды «хайп ұстау» деп түсінемін. ҚДБ-да проблемалар жоқ, мен жұмыс істеген 5 жыл бойы да, қазір де», - деді ол.

«Жусан банкте» Болат Бидахметұлы 2019 жылдан 2020 жылға дейін еңбек етті. Сондықтан, бүгін де айтылып жатқан мәселелерге оның қатысы жоқ.

«Дивидендтерді төлеуге, қаржылық есептілікті жарияламауға қатысты қазір қызу талқыланып жатқан шешімдер жайлы мен білмеймін, өйткені мен бұл банкте осы кезеңде жұмыс істемедім», – деп түсіндірді Жәмішев.

Естеріңізге сала кетейік, 11 қаңтарда Президент Тоқаев ҚДБ-ны қаржы-өнеркәсіп және құрылыс топтарының өкілдері болып сайланған тұлғалар басқарғаны үшін «жеке банк» деп атады. Жәмішев 2014 жылдан 2019 жылға дейін Қазақстанның Даму Банкі басқармасының төрағасы болған.

«Жусан банкте» 2020 жылға аудиторлық есепті дайындау мен жариялауға шамамен екі жыл уақыт кеткені белгілі. Заңнаманы бұзғаны үшін ҚР Қаржы нарығын реттеу және дамыту агенттігі (АРРДҚ) жазалауды емес, банкпен «жазбаша келісімдер» жасауды жөн деп шешті. Ulysmedia.kz порталының қадағалау шаралары туралы сұрағына агенттік «құпия ақпарат» деп жауап берді.