Әлеуметтік желіде белгісіз біреулердің «Қазақмыс» компаниясының қызметкерін ұрып-соққан видеосы пайда болды. Полицейлер оқиғаға түсініктеме берді, деп хабарлайды Ulysmedia.kz.
«Әлеуметтік желілердің мониторингі барысында бейнежазбада екі ер адамның бір адамға қол жұмсаған видеосы тарады. Аталған жанжал Ұлытау облысындағы кеніштердің бірінің аумағында орын алғаны анықталды. Бұл факт ҚР ҚК 293-бабы "бұзақылық" бойынша тіркелді», - деп хабарлайды полиция.
Ұлытау облысының ПД қызметкерлері екі күдіктіні ұстаған. Олар уақытша ұстау изоляторына қамалды. Қазіргі уақытта тергеу шаралары жүргізіліп жатыр.
