×
475.51
464.15
8.2
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
475.51
464.15
8.2

Алматыда біліктілік тестін тапсырып жатқан педагог қайтыс болды

15.04.2022, 12:00
Көрнекі сурет: ашық дереккөзден

Аяқ астынан жағдайы нашарлаған 49 жастағы ер адамға әріптестері алғашқы көмек көрсетуге ұмтылғанымен, жедел жәрдем жеткенше ол жан тапсырған, деп хабарлайды  Ulysmedia.kz КТК жаңалықтарына сілтеме жасап.

Мұғалімдер сынақ ұйымдастырылған жерде медициналық көмек көрсететін маман тұрмақ, дәрі қобдишасының болмағанын айтып ашынып отыр. Педагогтерді жетілдіруге арналған осындай тестілеу түбімізге жететін болды деп, аттестацияға  қатысты наразылық та білдірді.

Жиналғандар қайғылы жағдай орын алардан  бірнеше сағат бұрын қайтыс болған марқұммен бірге тест тапсыруға кірген. Әр мектепкен келген педагогтер бір-бірін де танымайды. Сынақ кезінде өзін нашар сезіне бастаған ер адамға алғашқы көмек көрсетуге тырысыпты. Жедел жәрдемнің жылдам жете қоймағаны өз алдына, білім ошағында да дер кезінде шара қолданатын маман мен дәрі-дәрмек табыла қоймапты. Хәлі нашарлаған педагог жерде жарты сағатқа жуық тірі жатқан. Осылайша ұстаздар бар білгенімізді жасасақ та, ажалға араша түсе алмадық деп ашынады. 

“Көзілдірік таққан арықтау кісі қарамақарсы келіп отырды. Қарасам, қобалжып отырды. Жан-жақтан көмектесіп, бір ағай жүрегіне, орыс қыз аузына ауа жіберіп жатыр. Мен қолын уқалап массаж жасадым. Алдын ала көмек беретін не мүсәтір де, не тонометр де жоқ. 25 минут жерде жатты. Неге бір медбике, дәрігер тағайындап қоймайды. Қолымда жатып қайтыс болып кетті. Кәсіби деңгейімізді дәлелдейміз деп сабылып жүріп, қай уақытта жұмыс істейміз, оқушыларға қай уақытта сабақ береміз”, – дейді Эльмира Иманбаева.

Осылайша қайғылы жағдайдың куәсі болған мұғалімдер базынасын жеткізді. Айтуларынша, жылдар бойы жинаған тәжірибесі мен біліміне баға беретін сынақ бұл емес.

“Жұмыс өтілім 30 жыл. Өз жұмыстарым бар, авторлық жұмыстарым да бар. Қазір менің бұрынғы түлектерімнің балалары тіпті оқуға келіп жатыр, немерелерім. 30 жылда Қазақстанға, мемлекетімізге еңбегіміз сінді. Осы жерге отырып, қайта тест тапсырып, өз еңбегімізді не үшін көрсетуіміз керек”, – дейді Тұраркүл Әділбекова. 

Оқиғаға қатысты қалалық полиция департаменті сот-медициналық сараптама тағайындаған. Ал Ұлттық тестілеу орталығындағылар бүгін аттестациядан өте алмай қалған педагогтар біліктілік тестін басқа күні тапсыруына болады дейді.

“Негізінде Ұлттық біліктілік тестілеуды тапсыру – ерікті. Оған еш мәжбүрлік жоқ. Бұны тапсырудағы негізгі мақсат – категориясы мен жалақысына 50 пайыз үстемақы төленіп отырады. Бұл оқиғаға байланысты, ол Алматы қаласындағы жекеменшік мектептің мұғалімі болған. Тоғыз жылдық жұмыс өтілі бар. Ол кісі тарих пәні мұғалімі”, – дейді ҚР Білім және ғылым министрлігінің «Ұлттық тестілеу орталығы» РМҚК директоры Руслан Емелбаев.

Жауапты министрлік аттестацияда медицина қызметкерлері болмағанын растап отыр. Қазір оқиғаға қатысты тексеру басталды. Алдағы уақытта тестілеу орталықтарында алғашқы көмек көрсету күшейтілетініне уәде берді. Ұлттық біліктілік тестілеуін ұстаздар 2018 жылдан бері тапсырып келеді.