×
472.14
498.39
7.65
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
472.14
498.39
7.65

Halyk Bank Сбербанктен 110 млрд теңгеге несие портфелін сатып алды

16.04.2022, 14:43
Фото: ашық дереккөзден

Оның ішінде мемлекеттік бағдарламалар бойынша берілген 4,9 млрд. теңге бар, деп хабарлайды ulysmedia.kz.

Halyk Bank "Сбербанк "АҚ-дан жалпы көлемі 105 млрд теңге болатын коммерциялық кредит пен "Даму" Қорының мемлекеттік бағдарламалары бойынша берілген 4,9 млрд теңге кредитін сатып алды. Қарыз құқығын беру бойынша мәміле периметріне ШОБ секторының 7 500-ге жуық кәсіпорны кірді. Бұл туралы Halyk Bank хабарлады.

"Қарыз бойынша барлық шарттар-өтеу күні, төлемдер кестесі, сома және пайыздық мөлшерлеме — өзгеріссіз қалады. Тек жаңа транштарды игеру жүргізілмейді. Бұл бойынша Halyk Bank облыстық филиалдарының орталық офистерінің ШОБ кредиттік бөлімдеріне жүгіну арқылы ақпарат алуға болады", – делінген банктің хабарламасында.

Мәміле 13 сәуірде жасалды, сол кезде Halyk Bank Сбербанктің қазақстандық бөлімінің кредиттік портфелін 330 млрд теңгеге сатып алғаны туралы хабарлады. Ол жеңілдікпен кредиттеу бағдарламасы бойынша ресімделген автокредиттер, кепілсіз кредиттердің, кезек күттірмейтін мұқтаждықтарға арналған қарыздар мен ипотекалық кредиттердің бір бөлігі болатын. 1 сәуірдегі жағдай бойынша "Сбербанк "АҚ ЕБ тұтынушылық қарыздарының көлемі 1,1 трлн теңгені құрады.

Еске салайық, Украинадағы соғысқа байланысты Сбербанк батыс тарапыннан ауыр санкцияғаларға ұшырады. Сондай-ақ, Ресей экономикасы дефолт алдында тұр.