×
475.51
464.15
8.2
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
475.51
464.15
8.2

Прокуратураның тексерісінен кейін коммуналдық тарифтер арзандады

17.04.2022, 16:20
Көрнекі сурет: ашық дереккөзден

Тұтынушылар үшін сумен жабдықтау қызметтері бойынша тариф - 2,16 %, су тарту – 0,37% және жылумен жабдықтау 4,31% төмендеді, деп хабарлайды Ulysmedia.kz жергілікті Диапазон сайтына сілтеме жасап.

Ақтөбе қаласындағы Астана ауданының прокуратурасы мен монополияға қарсы департамент "Aqtobe su–energy group" АҚ жұмысын тексеріп, бірқатар бұзушылықтарды анықтаған.

Хабарламада айтылғандай, монополист 892 млн теңгеден астам сомаға сумен жабдықтау, су тарту және жылумен жабдықтаудың реттеліп көрсетілетін қызметтері бойынша іс-шараларды орындамаған.

Прокуратураның араласуынан кейін 1 қаңтардан бастап бір жылға уақытша өтемдік тариф енгізілді. Тұтынушылар үшін сумен жабдықтау қызметтері бойынша тариф 2,16%, су тарту – 0,37% және жылумен жабдықтау 4,31%-ға төмендеді.

Тұтынушыларға төмендетілген тарифтерді ескере отырып шоттар жолданатын болады. "Aqtobe su-energy group" АҚ-ға 9,3 млн теңге көлемінде айыппұл салынды.