×
476.89
462.2
8.31
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
476.89
462.2
8.31

Популистер акциясын өткізе берсін – Скляр утильалым алынбайтынын мәлімдеді

19.04.2022, 14:19
Фото: Ашық дереккөзден

Премьер-Министрдің бірінші орынбасары Роман Скляр Қазақстанда көліктер бойынша утилизация алымын жою туралы үндеулерге жауап берді, деп хабарлайды Ulysmedia.kz порталы.

«Мен бұл мәселе жөнінде бір емес, бірнеше пікірімді білдірдім. Бұл тақырыпты бұдан былай қозғамайтынымды атап өтейін, өйткені бұл бәріміз үшін де, сіздер үшін де бесенеден белгілі шаруа. Бірақ бүгін тағы да айтамын: популисттер кез-келген уақытта айтсын, акцияларды өткізе берсін. Бірақ үкімет өнеркәсіпті дамыту үшін жұмыс істейді», - деді Скляр үкімет аясында журналистердің сұрақтарына жауап бере отырып.

Оның айтуынша, басты міндет – сапалы әлі өнімділігі жоғары жұмыс орындарын құру. Сондай-ақ ол, мемлекет жастарды оқытып, олар заманға сай кәсіпорындарда жұмыс істеуі керектігін айтты. Қазақстан тек азық-түлік және көлік саласында ғана емес, өнеркәсіптік қауіпсіздік тұрғысынан да тәуелсіз болуға тиіс екенін де жеткізді.

«Мен наурыз айында айттым: осы сұраққа тереңірек қараңыздаршы өтініш. Бұл кімге пайдалы? Бұл барлық салықтарды төлемейтін ең аз жұмыс орындарын құратын импорттаушыларға пайдалы. Мен мысал келтірдім, тағы да қайталаймын, өйткені бұл тақырып қайта-қайта көтеріле береді. Мысалы, ауылшаруашылық техникасын шығаратын бір шетелдік компания оны бізге жібереді, бірақ оны көптеген жылдар бойы басқа еуропалық компания бізге сатады келіп. Сіздер бұған ашуланбайсыздар ма? Біз Петропавлда өндірісті ашқан басқа да компаниялар барын айтамыз, бұл соншалықты қымбат емес. Бірақ олар мұны қаламайды, өйткені олар үлкен маржаларын жоғалтады. Себебі өнеркәсіптік құрастыру туралы заңда былай делінген: біздің еліміздің аумағында орналасқан зауыт тек өндіруші зауыттан сатып алуы керек. Яғни, оның барлық құны ашық болуы керек", - деді Роман Скляр.